Besøkssenter villaks Lærdal

19/05/2026

Fanga på kamera 📷 Sjøaure på veg ut frå Lærdalselvi til Sognefjorden for å beite 🐟

Utanfor besøkssenteret har me satt opp undervasskamera i elva. Fredag 15. mai mellom kl. 12 og kl. 13 dukka desse fiskane opp framfor kameraet.

Mest truleg er dette sjøaure som er på veg ut i Sognefjorden for å beite.

Visste du at sjøaurane kjem tilbake til elva att etter 60 dagar i sjøen? 🐟 Slik er det vanlegvis kvart år.

Du kan sjå direktebilde frå kameraet i utstillinga vår som er open kvar dag frå 1. mai til 30. september. Velkomen!

12/05/2026

Naturrettleiing på Arna
Den 23 mars fekk ivrige elevar frå Vg2 Akvakultur og Studiespesialiserende ved Austreim Vgs, naturrettleiing ved Storelva i Arna. Arrangementet var lagt til klubblokalet til Arna Sportsfiskere. Elevane var med på tre ulike postar, natursti, elektrofiske og insekt-analyse.
Dei vart utfordra om tilstanden i lakseelvane våre og utfordringane laks og sjøaure står ovanfor. Elevane fekk innsikt i kva konsekvensar oppdrettsnæring, kraftutbygging, sjukdommar og forureining har for laks og sjøaure.
Gjennom ein insektanalyse lærte elevane om næringa yngelen lever av i bekkar og elv, og kor viktig samspelet mellom næring og oppvekstområde er.
Klassane fekk ein frisk utedag, men humøret var på topp. Det var kjekt med litt uteaktivitet desse flotte vårdagane, og elevane var nøgde med dagen og opplegget.
Naturrettleiinga er eit opplegg Besøkssenter villaks Lærdal (tidlegare Nasjonalt Villakssenter ) tilbyr med støtte frå fylket. Opplegget er gratis for skular. Opplegget er eit flott alternativ for lærarar og elevar til og komma seg litt ut og ha praktisk skulearbeid ved ei lokal elv eller eit vatn.

Vidar Lillevik, Naturrettleiar ved Besøkssenter villaks Lærdal

08/05/2026

Me lærer vinterstøingane på senteret å ete 🐟 Laksane og sjøaurane du ser på Besøkssenter villaks i Lærdal no i mai 2026, vandra opp Lærdalselva i 2025.

Når laksane kjem tilbake frå havet og opp i ferskvatn for å gyte, sluttar dei å ete. Etter ein lang vinter blir dei derfor ofte både lange og tynne. Desse fiskane blir kalla vinterstøingar.

På senteret jobbar me med å ta vare på fiskane. For å hjelpe dei, prøver me å lære dei å ete. Me slepp små bitar av sild ned frå taket i akvariet, og no har fiskane byrja å forstå at maten kjem «dalande» ovanfrå.

Videoen viser korleis villaks og sjøaure oppfører seg på nært hald inne på besøkssenteret. Me har ope kvar dag fram frå 1. mai til 30- september. Velkomen!

02/05/2026

Fyrste besøksgruppe i 2026 på plass 👏

1. mai tok vi imot den fyrste gruppa for sesongen 2026. Gjengen kom heilt frå Slovakia og markerte starten på ein ny besøksperiode.

For å gjere litt ekstra stas på dei, fekk gruppa gratis omvising i utstillinga ved dagleg leiar Alf. Det var ein engasjert og interessert gjeng som fekk lære meir om villaksen og livet i elva.

Vi ser fram til ein ny sesong med mange gode opplevingar og besøkande frå både inn- og utland.

🐟 Vi har ope kvar dag frå 1. mai til 30. september.

30/04/2026

Laks og sjøaure på plass til sesongopning! 🐟 1. mai opnar me dørene til senteret, og no har me vore ute i Lærdalselva og fanga fisk til vising for besøkande.

Dette gir ei heilt unik moglegheit til å oppleva fisken på nært hald 👏

Visste du at laksane gjekk opp i Lærdalselvi i fjor? Dei har overlevd gytinga og stått i elva heile vinteren utan å ete. Dei er lange og slanke. Me kallar dei for vinterstøingar.

Sjøaurane tek mat til seg i elva, og er rundare og feitare. Kjem du innom får du sjå dei på nært hald!

Ta turen innom oss frå 1. mai og bli betre kjend med livet i ei av Noregs mest kjende lakseelver.

🔗 Meir info & billettar: https://www.villakslaerdal.no/

15/04/2026

Snart opnar villaksssenteret for sesongen 😍🐟 Me gler oss til å ta imot store og små i Lærdal frå 1. mai. Då opnar me i ny drakt som eitt av fire autoriserte besøkssenter for villaks!

I utstillinga går du gjennom laksen sitt livsløp. Undervegs kan du lese, lytte, trykkje deg vidare og teste kunnskapen din med interaktive element og quiz.

I same bygget finn du gode tilbod innan kunst, kultur og mat.

Kombiner besøket med:
🎨 kunstoppleving på Sogn Kunstmuseum / Musea i Sogn og Fjordane
🥐 God kortreist mat på Laksen bakeri & kafé
🎬 Kulturarrangement og Lærdal kino i regi av Lærdal kommune

Meir om villakssenteret, opningstider m.m. finn du på nettsida vår: https://www.villakslaerdal.no/

No kan våren og sommaren berre kome! Velkomen til ei kjekk oppleving i Lærdal 💚

18/03/2026

Naturrettleiarsesongen er i gang. Den 17 mars fekk me besøk av ein Vg3 klasse frå Sogn Jord og Hagebruksskulen i Aurland. Klassen vart med ut til Kvitli ein restaurert vatningskanal og oppvekstområd for laks og aure i Lærdal. Fokus var insektanalyse, botnforhold og kantvegetasjon. Me fekk ein fin dag med aktive elevar, gode spørsmål og diskusjonar.

04/03/2026

Me har blitt eit nasjonalt besøkssenter for villaks 🐟👏 Å bli autorisert besøkssenter av Miljødirektoratet er ein stor milepæl for oss.

Dette er eit kvalitetsstempel som viser at me har solid fagleg innhald og kan formidle kunnskap om atlantisk villaks, leveområda hans og truslane han står overfor. No er me eitt av fire slike senter i Noreg.

Til våren opnar me dørene som Besøkssenter villaks Lærdal. Utstillingane har ikkje endra seg så mykje, men profil og innpakning er ny. Og me vil alltid utvikle oss vidare, sånn at du kan lære noko nytt når du kjem innom.

Lurar du på kva du kan oppleve hjås oss? Besøk den nye nettsida vår: https://www.villakslaerdal.no/

10/12/2025

Vidar Lillevik ny naturrettleiar i Besøkssenter villaks Lærdal
Det har aldri vore så lite laks i elvar og sjø som no. Villaksen er trua i heile leveområdet sitt. Dårlegast står det til på Vestlandet.
Nasjonalt villakssenter er omdanna til Besøkssenter villaks Lærdal med Vestlandet som ansvarsområde. Målet er ein sterkare villaks i naturen og folk sitt medvit. Vår viktigaste målgruppe er born og unge.
Med støtte frå Vestland fylke, har me drive naturrettleiing tilpassa kompetansemåla på ulike nivå i skuleverket. Me har besøkt ei rekke skular i Vestland dei siste åra. Jobben som naturrettleiar går ut på å formidle kunnskap og bidra til berekraftig forvaltning av laks og sjøaure i naturen. Rettleiinga går føre seg både inne og ute, gjerne i ein bekk eller elv i nærmiljøet. Elevane får vere med på elektrofiske, innsamling av botndyr, analysar og oppgåver i form av ein natursti. Opplegget har vore godt motteke av både elevar og lærarar.
Vidar Lillevik er engasjert til å føre arbeidet vidare. Vidar er frå Stord, men er busett i Lærdal. Han får ansvar for oppfølging av skular i heile Vestland og er klar for oppgåva.
- For ein ivrig friluftsmann og flugefiskar er det stort å få jobba med dette. Eg ser det som ei veldig viktig oppgåve, seier Vidar.
- Me er glade for å ha Vidar med på laget. Å spreie kunnskap om kva laksen betyr for oss, kva plass han har i naturen, kva me kan gjera for å betre forholda, er viktigare enn nokon gong seier Alf Olsen jr., dagleg leiar i i Besøkssenter villaks Lærdal.

16/10/2025