16/02/2022
#ဥပဒေနဲ့တားြမစ်ထားတဲ့MLMစနစ်ကပြန်လည်ခေါင်းထောင်နေပြန်ပြီ
ိုတာဘာလဲဆိုတော့ ထင်ထင်ရှားရှားမြင်ရအောင်ပြောရမယ်ဆိုရင်
ကျွန်တော်က 2500တန် Shampoo တစ်ခုကိုထုတ်လုပ်လိုက်တယ်။ကျွန်တော် 3500လောက်နဲ့ရောင်းရင် 1000ပဲမြတ်မယ်။
ဝယ်လိုအားလည်းMarketing ဆင်းနိုင်သလောက်ပဲရမယ်။
အဲ့တော့ကျွန်တော့်ဖန်တီးထားတဲ့Product ကို လူတော်တော်များများစီပေါက်အောင်နဲ့ ရောင်းအားအရမ်းကောင်းအောင် ကျွန်တော်ကဒီလိုလုပ်လိုက်တယ်။
ကျွန်တော့်Shampoo 1ဘူးကို 9000 နဲ့ရောင်းတယ်ဆိုပါစို့။
ဒါပေမဲ့ 2 ဘူးဝယ်ရင် 13000 ပဲကျသင့်ပါမယ်။
ဝယ်သူအနေနဲ့ ဒီလို2ဘူးဝယ်ပြီးတာနဲ့ Agent ဖြစ်ပါပြီ။
Agent ဖြစ်ရင် ဘယ်လိုအကျိုးကျေးဇူးတွေရမလဲဆိုတော့ အဲ့လိုထပ်ဝယ်မဲ့Agent ဆယ်ယောက်ရရင် ဘာ Level ညာLevel ဖြစ်ပြီး နှစ်ဘူးကို 10000နဲ့ဝယ်ခွင့်ရပါမယ်။
ဒီအဆင့်လေးမှာပဲတွက်ကြည့်ရင် ကျွန်တော့်အနေနဲ့ First Person စီက 2ဘူးနဲ့ First Person ရှာထားတဲ့ 10ယောက် စီက ဘူး20နဲ့ပေါင်းပြီး စုစုပေါင်း 22ဘူးရောင်းလိုက်ရပါတယ်။
ဝင်ငွေအနေနဲ့ 13000*11=143000ဝင်ပြီး အရင်းအနေနဲ့ 2500*11=27500 ကုန်သွားပါတယ်။
အဲ့တော့အမြတ်အနေနဲ့ 115000ကျပ်မြတ်လိုက်ပါတယ်။
ဒါကဒီလောက်နဲ့မပြီးသွားပါဘူး။
First Person အောက်ကလူဆယ်ယောက်ဟာလည်း ပိုပြီးသက်သာတဲ့ဈေးနဲ့ရောင်းရဖို့ Bonus တွေရဖို့အတွက် လူဆယ်ယောက်စီထပ်ရှာကြဦးမှာပါ။
ဒီလိုနဲ့လူတွေများလာပြီး ကျွန်တော့်Products အောက်မှာ လူထောင်သောင်းချီပြီး Agent တွေရှိလာပါတယ်။
ဒါဆိုဘယ်အချိန်မှပြီးသွားမလဲ။
ဝယ်လိုအားတွေလျော့ကြသွားတဲ့အချိန်ကျရင် အကုန်လုံးက Agent တွေဖြစ်နေကြတဲ့အချိန်ကြရင်တောင် ကျွန်တော့်Product ရဲ့ ရောင်းဈေးဟာ 5000လောက်မှာပဲရှိနေမှာမို့လို့ ကျွန်တော့်အနေနဲ့မြတ်နေတုန်းပါပဲ။
ဒါဆိုဒီစနစ်ကကောင်းတာပဲဟာ Win-Win ပေါ့လို့ ဆိုလိုချင်တယ်ဆိုရင်လည်း မဟုတ်သေးပါဘူး။
ဒီစနစ်မှာဘယ်သူတွေကိုသွားထိခိုက်ရပါသလဲ?
ဘယ်သူတွေက အကျိုးမြတ်ရသွားပါသလဲ?
သူတို့ကလူဆွယ်တဲ့အခါ အရင်းအနှီးနည်းနည်းလောက်နဲ့ တစ်လဘယ်လောက်ရမယ်ဆိုပြီးဆွယ်ပါတယ်။
အဲ့တော့သူတို့အနေနဲ့ပိုက်ဆံဝင်တဲ့အချိန်ဟာAgent တွေဝင်ကြတဲ့အချိန်ပါပဲ။
ထိခိုက်ခံရတဲ့သူတွေကတော့ နောက်ဆုံးကျမှဝင်တဲ့Agent တွေပါပဲ။
သူတို့အနေနဲ့ ဝယ်လိုအားမရှိတော့တဲ့အခါပစ္စည်းတွေကို သောင်းချီပေးဝယ်ထားပေမဲ့ အချင်းချင်း 5000လောက်နဲ့ပြန်ရောင်းနေရတဲ့အခါ ပစ္စည်းတွေကသူတို့လက်ထဲမှာ သောင်တင်နေပါတယ်။
အရင်းတောင်ပြန်ရှာမရတဲ့အခြေအနေတွေနဲ့ပိုက်ဆံတွေဆုံးကြပါတယ်။
ဒီအခြေအနေမှာ ကျွန်တော်တိုက်သုံးလေးလုံးနဲ့ ကားသုံးလေးစီး ဝယ်စီးနေနိုင်ပါပြီ။
သူတို့အနေနဲ့ဘာလို့ဒီလောက်အထိထိုးဖောက်နိုင်လဲ?
MLM သမားတော်တော်များက Marketing အရမ်းကောင်းပြီး လူဆွယ်တာနဲ့မက်လုံးပေးတာအရမ်းတော်ပါတယ်။
ဒါ့အပြင် ဘယ်လိုလူထပ်ရှာရမယ် ဘယ်လိုမက်လုံးပေးရမယ်ဆိုတာကအစ သေချာသင်တန်းနဲ့ပြန်သင်ပေးတတ်ကြပါတယ်။
ဟိုအမပြောသလိုပဲ ပိုက်ဆံတွေဘယ်လောက်ဝင်ပါတယ်ဆိုပြီးရိုက်ရိုက်ကြွားနေတာကိုက သူတို့ရဲ့Marketing Strategyပါပဲ။
သူတို့အနေနဲ့အဓိကTarget ထားတာကလည်း ကျောင်းသူတွေ နဲ့ ဆယ်ကျော်သက်တွေကိုပါပဲ။
အဲ့တော့ ဘာမှမသိနားမလည်ပဲ MLM စနစ်ထဲ ရောက်ကုန်ကြပြီး အဲ့လိုနဲ့လူကတဖြည်းဖြည်းများလာတာပါ။
အခုထိမြင်နေတွေ့နေရသမျှတော့ လုပ်နေကြတဲ့သူတွေဟာ သူတို့ MLM စနစ်တစ်ခုထဲဝင်ရောက်နေရတယ်ဆိုတာ သူတို့ကိုယ်တိုင်မသိကြပါဘူး။
ကျွန်တော်ကြည့်ရသလောက်တော့ တကယ်ကောင်းတဲ့ ဘယ် Brand ကမှ အခုလိုမျိုး MLM စနစ်မသုံးပါဘူး။
Authorizeလုပ်ပြီး မြန်မာနိုင်ငံမှာ ဆိုင်တွေနဲ့ပဲပြန်ရောင်းကြပါတယ်။
ပြီးတော့ သူတို့ရဲ့ဝယ်လိုအားကလည်း ဘယ်တော့မှ လျော့ကျသွားတယ်ရယ်လို့ကိုမရှိပါဘူး။
တစ်ချို့ကMLMမဟုတ်ပါဘူး Direct Selling ပါဆိုပြီးငြင်းတယ်။
Direct Selling မှာ အခုလိုAgent ခေါ်နေတာတွေလည်းမရှိသလို ဘာLevel ညာLevelဆိုပြီးရှိစရာလည်းမလိုပါဘူး။
အခုချိန်သတိပေးရင်လည်း ငါတို့ဟာကအဲ့လိုမဟုတ်ဘူးဆိုပြီး ပေတေပြီးဆက်လုပ်နေမှာသိပါတယ်။
အရင်MLMတွေခေတ်စားခဲ့တုန်းက MLM company တစ်ခုက လူတွေအကုန်Agent တွေဖြစ်ကုန်ပြီး ဝယ်လိုအားမရှိတော့လို့ပိတ်သွားတဲ့အခါ ပိုက်ဆံတွေဆုံးပြီး စီးပွားပျက်သွားခဲ့တဲ့သူတွေဒုနဲ့ဒေးပါ။
အခုပြန်ခေတ်စားလာတော့လည်း ပစ္စည်းဝယ်လိုအားက Consumerတွေမဟုတ်ပဲ Agent ဝင်နေတာတွေကအဓိကပါ။
အဲ့တော့ပုံမှန်ဦးနှောက်နဲ့ပဲစဉ်းစားကြည့်ရင် Agent တွေများလာပြီး ရောင်းလိုအားကဝယ်လိုအားထက် အဆပေါင်းများစွာမြင့်တက်လာရင် အဲ့ပစ္စည်းတွေက လက်ထဲမှာသောင်တင်နေမှာပါပဲ။
ရိုးရိုးလေးပဲတွေးတတ်ပါစေ။
ဘယ်အဖွဲ့အစည်းကိုမှ ဆိုလိုခြင်းမဟုတ်ပါ။ :
လွန်ခဲ့တဲ့8နှစ် 9နှစ်က ခေတ်စားခဲ့တဲ့ MLM စနစ်ကြီးက ပေါ်တင်အသက်ပြန်ဝင်လာတာမြင်တွေ့နေရလို့ MLM စနစ်အကြောင်းပြောပြရခြင်းပဲဖြစ်ပါတယ်ခင်ဗျာ။
By Lyn Htut NyanMLM
