29/07/2026
🌍 පූදින ගොයම ,
සහ ඔලිම්පික් සංස්කෘතිය 🌎
🌲සංකේතයක ගෞරවය සහ අපි එය සුරැකිය යුතු ආකාරය🌲
ක්‍රීඩා උළෙලක දී දැල්වන ඔලිම්පික් පහන කියල කියන්නෙ නිකම්ම නිකම් උන බම්බුවක හෝ ලාඩප්ප ලීයක රෙදි ඔතා ගත් පන්දමකින් දැල්වෙන ගින්නක් නෙමෙයි.
ඒක මානව සංහතියේ, උසස් ප්‍රඥාවේ, සාමයේ සහ ක්‍රීඩාශීලීත්වයේ පූජනීය සංකේතයක්.
ඒත් අවාසනාවකට වගේ වර්තමානයේ ඇතැම් සංවිධායකයින් නිවැරදි විෂයානුබද්ධ දැනුමකින් හෝ ඓතිහාසික පසුබිම ගැන කිසිම අවබෝධයකින් තොරව, මේ පූජනීය චාරිත්‍රය නර්ථනයන් එකතු කරල "විගඩගමක්" විදියට ක්‍රීඩාවට අපහාසාත්මක විදියට කරන ආකාරය සමහර අවස්තාවල අපිට පණ තියෙද්දි දකින්න ලැබෙනව.
ඔලිම්පික් පහනේ සැබෑ ඓතිහාසික උරුමය
පුරාණ ග්‍රීක සංස්කෘතියට අනුව අපි ඒක පාසල් වල සෞඛ්‍ය හා ශාරීරික අධ්‍යාපන විෂයේදී, ක්‍රීඩා කඳවුරු වලදි උගන්වනව.
ඔලිම්පික් පහන දැල්වීම පිටුපස විශාල පූජනීය සහ සංකේතාත්මක පසුබිමක් තියෙනව. මේ කාරණ සමහරක් මිනිස්සු නොදන්නා නිසා මොවුන් ක්‍රීඩාවට අදාල මේ සංස්කෘතික දේ කරන්න ගිහාම සංස්කෘතික වගේම ක්‍රීඩාවත් විනාශ කරනව.
ඔලිම්පික් පහන නිල වශයෙන් පත්තු කරන්නෙ හේරා කියන දෙවඟනගේ දේවාලය ළගදි. ඒ කිසිම කෘත්‍රිම උපකරණයක් එකතු කරගෙන නෙමෙයි.
දේව විස්වාසයට අනුව ඇත්තටම ඇතීනා දෙවඟනට කරන ගෞරවයක් තමයි මේ කරන්නෙ.එතකොට මේක ඇතීනගෙ වෙඩින් එකවත් හෝම් කමින් එකවත් නෙමෙයි. ඇතීනා දෙවඟන ඇත්තටම මෙතනට එන්නෙ නෑ. ඇතීනගෙ ඩමියක්වත් එන්නෙ නෑ.ගන්නෙත් නෑ.
මෙතන ඉන්නෙ ඇතීනා වෙනුවෙන් පූජා පවත්වන "පූජකවරියක්." ඒ පූජකවරියගේ සංඛේතය තමයි සුදු පැහැයට හුරු ඇදුමින් සැරසිලා ඉන්නෙ.ඒ පූජකවරිය සිංහල හෝ උඩරට හෝ බටහිර සංස්කෘතියක මනාලියක් නෙමෙයි.
මේ පත්තු කරන පන්දම ක්‍රීඩකයන් අතින් මාරුවෙන් මාරුවට ක්‍රීඩා පිටිය වටේ දුවමින් අතින් අතට මාරු කරමින් පෙන්වන්නෙ සාමය සහ සහෝදරත්වය.
අපේ තැප්‍රොබේනයේ සමහර උත්සවවලදී මේක, නොදන්නා පිරිස් මේ ක්‍රීඩාව මේ සංස්කෘතික ලක්ෂණ නැතිව, දේශීය නර්තන හැඩ එකතු කරල
ඒකෙ ඓතිහාසික වටිනාකම විනාස කරනව. එහෙම කරාට පස්සෙ මේ ක්‍රීඩා හා බැදුණු සංස්කෘතික ලක්ෂණ නොදන්නා ,තව ටිකක් වැඩියෙන් අර සංස්කෘතික විනාශ කරනව. මිනිස්සු හිතන්නෙ ඇතීනා එනව කියල.
🤝ඉගෙන ගැනුමට🤝
මේ ක්‍රීඩාව හා ඒකෙ තියෙන සංස්කෘතික ලක්ෂණ නැති කරන්න එපා.
ඇතීනට මල් කුමාරියො නෑ.
දෙවඟනකට හිටියෙ පූජා පවත්වන සහ සහාය පූජකවරියන්. ඔවුන් සාරි අල්ලගෙන,එල්ලගෙන ගියෙ නෑ.එහෙම සංස්කෘතිකයක් නෑ.
ක්‍රීඩාවේ ගෞරවය රැකීම
දේශීය සංස්කෘතියක මංගල ඇදුම,
ඔලිම්පික් සම්ප්‍රදායේ පහන දල්වන සංස්කෘතික අංගයක එකතුවක් හෝ මිශ්‍රණයක් නොවේ.
ක්‍රීඩාව හා ඒ හා බැඳිල තියෙන සංස්කෘතික දේ විනාශ නොකරමු.
නිවැරදි සම්ප්‍රදාය නොදන්නෙ නම් සරලව පන්දම් ගමනකින් පමණක් උත්සවය ආරම්භ කිරීම නොදන්නාකම ඉස්මතු නොකිරීමට වඩා හොදයි.
🌲සංස්කෘතියක් හෝ සංස්කෘතික අංගයක් නිරූපණය කරනව නම්,
එහි ඇති ගෞරවය රැකෙන ලෙස කිරීම ඒ විෂයට කරන ගෞරවයකි. 🌲
ක්‍රීඩාවේ ගෞරවය රැකීම තමන්ගෙ විෂයපථ වල ගෞරවණීය ජයග්‍රහණ වලට හේතුවක් වෙනව.
ක්‍රීඩාව යනු විකාරයක් නොවේ.
විනය ඇතිකරවන තැනකි.නොදන්නෙ යම් දෙයක්ද ඒ සිදු කිරීම උචිත නොවේ.
ක්‍රීඩා සංකේතවලට ගෞරව කිරීමද
එම ඇතිකරවන විනයේම කොටසක් බව අප මතක තබා ගත යුතුවේ.ක්‍රීඩාව හා ඒ හා බැදුණු සංස්කෘතිය විනාශ නොකරමු.
නොදන්නා දේ නොකිරීම බුද්ධිගා්චර වේ. නොදන්නා දේ,අප පළමුව අධ්‍යයනය කළ යුතුවේ.පසුව එය නව්‍ය ආකාරයකට සිදු කිරීම ,දැනුමෙ,හැකියාවේ තරමට අනුව එය නිර්මාණශීලී විය හැක.
ක්‍රීඩා සම්බන්ධ විෂය භාර ගුරුවරුන්ගේ සහ තාක්ෂණික උපදෙස් මත පමණක් මේ වගේ ක්‍රීඩා උත්සව අංග සංවිධානය කරන්න නුවණ ඇති අයගේ වගකීමක්.
නව සංස්කෘතිකක් ගොඩ නැගීමට අවශ්‍ය නම් ඔබ ඒ මාර්ගයේ යමින් එහි නව්‍යතා හඳුණාගත යුතු වෙයි.
එතෙක් තිබෙන සංස්කෘතිය රැක ගනිමු.💐
🌲🌲"ඔලිම්පික් උළෙල යනු
හුදෙක් ක්‍රීඩා තරගාවලියක් පමණක් නොවේ,
එය ඉහළ ආත්මීය ගෞරවයක්,
සංස්කෘතියක් සහ අභිමානයක්
පූර්වාදර්ශ කරගත්
ජාත්‍යන්තර උත්සවයකි."🌲🌲
— පියරේ ද කුබර්ටින්
(නූතන ඔලිම්පික් ක්‍රීඩා උළෙලේ පියා)
සටහන,
නලින් ජයසේකර.
