06/03/2026
നിയമസഭയുടെ മനോഹാരിത ഇനി ബഗ്ഗി റൈഡിലൂടെ ആസ്വദിക്കാം.
നിയമസഭാ മ്യൂസിയവും പരിസരവും കാണാനെത്തുന്നവർക്ക് സുഗമമായ യാത്രയൊരുക്കാൻ ഇലക്ട്രിക് ബഗ്ഗി സജ്ജമായി. പുതിയ ഇലക്ട്രിക് ബഗ്ഗിയുടെ ഫ്ലാഗ് ഓഫ് സ്പീക്കർ എ.എൻ. ഷംസീർ നിർവഹിച്ചു. CSR ഫണ്ട് വിനിയോഗിച്ച് ഫെഡറൽ ബാങ്ക് നൽകിയ ഇലക്ട്രിക് ബഗ്ഗിയിൽ ഒരേ സമയം 11 പേർക്ക് യാത്ര ചെയ്യാനാവും.
നിയമസഭാ സെക്രട്ടറി ഇൻ ചാർജ്ജ് ഷാജി സി ബേബി, സ്പീക്കറുടെ പ്രൈവറ്റ് സെക്രട്ടറി ടി. മനോഹരന് നായര്, നിയമസഭ സെക്രട്ടറിയേറ്റിലെ ജീവനക്കാർ തുടങ്ങിയവർ ചടങ്ങിൽ പങ്കെടുത്തു.