علوم ببساطة مع ميس مريم

06/08/2026

يلا فين ابطال اولى اعدادى 💪
يجاوبوا السؤال دا
💪
#اولى
#اعدادى
#علوم

28/07/2026

28/07/2026

علوم للصف الاول الاعدادى الدرس الثانى

شرح تقسيم الجدول الدوري الحديث ببساطة💪💪💪
هنقسم الجدول لطريقتين سهلين يفهمها الطالب بسرعة:👇👇👇👇👇👇
1- التقسيم الأساسي: 👈صفوف وعواميد
الجدول الدوري عامل زي العمارة:

أ- الدورات (الصفوف الأفقية):
عندنا 7 دورات، كل دورة بتبدأ بعنصر جديد. كل ما بننزل دورة لتحت عدد المدارات بيزيد، يعني الذرة بتكبر.

ب- المجموعات (الأعمدة الرأسية):
عندنا 18 مجموعة. العناصر اللي في نفس المجموعة شبه بعض جدا في الخواص، لأن عندهم نفس عدد إلكترونات المدار الأخير.
مثال: المجموعة 1A كلها فلزات نشطة زي الصوديوم والبوتاسيوم، والمجموعة 18 كلها غازات خاملة مش بتتفاعل.

2- التقسيم 👈حسب نوع العنصر وشكله
ده التقسيم اللي بنلونه في الكتب:

1. الفلزات: على الشمال، حوالي 75% من الجدول. بتلمع، بتوصل كهرباء وحرارة، وقابلة للطرق والسحب. زي الحديد، الألومنيوم، الذهب.

2. اللافلزات: على اليمين. عكس الفلزات تماما، مش بتوصل كهرباء، ومش بتلمع. زي الأكسجين، الكبريت، النيتروجين.

3. أشباه الفلزات: في النص بينهم، عاملة زي السلم. ليها خواص بين الاتنين. زي السيليكون والبورون - ودي اللي بنعمل منها شرائح الموبايل.

4. الغازات النبيلة: آخر عمود خالص على اليمين (المجموعة 18). كلها غازات ومش بتحب تتفاعل، عشان كده سميناها نبيلة.
3- التقسيم المتقدم شوية (بلوكات s, p, d, f)
ده حسب آخر إلكترون دخل فين:
• بلوك S: مجموعتين على الشمال خالص.
• بلوك P: مجموعات 6 على اليمين خالص.
• بلوك D: في النص، 10 مجموعات وهي العناصر الانتقالية.
• بلوك F: الصفين اللي تحت الجدول خالص، العناصر الانتقالية الداخلية.

طريقة تثبيت المعلومة :👇👇👇👇
الجدول الدورى الحديث مترتب حسب
1- العدد الذري (عدد البروتونات) من الشمال لليمين. وكل عمود هو عيلة واحدة، كلهم شبه بعض في الطباع!👈 (الخواص الكيميائية)
2- كمان حسب عدد الالكترونات فى المستويات الطاقة الفرعية وهم ؛. s,p,d,f

• فئة s- (البينك): على الشمال خالص، المجموعتين 1 و 2. دول الفلزات القلوية والقلوية الترابية، آخر إلكترون عندهم في مدار s.
• فئة p- (الأورانج): على اليمين خالص، من المجموعة 13 لـ 18. فيها لافلزات وأشباه فلزات وغازات نبيلة.
• فئة d- (الأزرق): اللي في النص، من المجموعة 3 لـ 12. دي الفلزات الانتقالية زي الحديد والنحاس والذهب.
• فئة f- (البنفسجي): الصفين اللي تحت خالص، اللانثانيدات والأكتينيدات.
القاعدة الذهبية: 👇👇👇
الفئة بتتحدد حسب آخر مدار الإلكترون الأخير دخل فيه!
يعنى حسب اخر مستوى طاقة فى التوزيع الالكترونى للعنصر
🤔
مثلا الصوديوم عدده الذرى 11
توزيعه الالكترونى : 2-8-1
اخر مستوى طاقة به الكترون واحد 1 كدا هيقع فى
👈المجموعة او العمود 1 تبع الفئة s
وفى التوزيع 3 مستويات طاقة بكدا هيقع فى
👈الدورة او الصف 3

#علوم

علوم ببساطة مع ميس مريم
Mrioma Gorge Gogo

28/07/2026

جزء خاص بالاحياء فى منهج ثالثة اعدادى👇👇👇👇
الكروموسوم هو الشكل المضغوط للمادة الوراثية. هو يتكون من جزيء واحد من الـ DNA وبروتينات كتير اسمها هستونات، والتركيب ده اسمه كروماتين. الـ DNA بيلف حوالين الهيستونات ويعمل حاجة اسمها نيوكليوسوم، وبعدين يتكدس لحد ما يكون الكروموسوم على شكل X اللي بنشوفه وقت انقسام الخلية. كل كروموسوم عبارة عن 2 كروماتيد متصلين عند نقطة قرب المركز اسمها القسيم المركزي أو السنترومير.

الإنسان عنده 46 كروموسوم في كل خلية جسمية، 23 زوج.

علوم ببساطة مع ميس مريم
#علوم
Mrioma Gorge Gogo

19/07/2026

📚🧬 احجز مكان ابنك الآن في دروس العلوم 🧬📚
هل يعاني ابنك من صعوبة في فهم العلوم؟
هل تبحث عن شرح مبسط ومتابعة مستمرة تضمن التفوق؟

✨ مع ميس مريم جورج
🎓 بكالوريوس علوم وتربية
👩‍🏫 خبرة أكثر من 10 سنوات في مجال التدريس

✔️ شرح مبسط وسهل يناسب جميع المستويات
✔️ تأسيس قوي ومتابعة مستمرة
✔️ مراجعات دورية واختبارات لقياس مستوى الطالب
✔️ حل الواجبات والتدريب على الامتحانات
✔️ متاح دروس فردية (برايفت) ومجموعات
✔️ للمرحلة الابتدائية والإعدادية

🎯 هدفنا ليس النجاح فقط... بل الفهم والتفوق والثقة
بالنفس
👈👈👈واول حصة معانا مجانا💪💪💪🥳🥳 .

📞 للحجز والاستفسار:
01205396796

🌟 الأماكن محدودة لضمان جودة المتابعة مع كل طالب.

👈👈ومعانا مذكرة للصف الثالث الاعدادى اساسيات فى المنهج لتذكر ماسبق دراسته فى اولى وتانية اعدادى وربط معلوماته مع المنهج الجديد لكل الطلاب باسعار مخفضة
👇👇👇👇
صفحة العلوم فيها شرح ومعلومات ومذكرات العلوم واى حاجة خاصة بالمنهج او التربية والتعليم
https://www.facebook.com/share/1D5vd7mJXX/
صفحة العلوم
#علوم
#اعدادى

18/07/2026

هيبقى معانا مذكرة للصف الثالث الاعدادى
بدايات للمنهج واساسيات لازم يعرفها الطالب قبل الدخول على المنهج للتذكر ماسبق دراسته فى اولى وتانية
وهتبقى باسعار مناسبة للطلاب
ودى جزء منها كام صفحة
#علوم

#ثالثةاعدادى
Mrioma Gorge Gogo
علوم ببساطة مع ميس مريم

14/07/2026

درس كواكب المجموعة الشمسية للصف الاول اعدادى
#علوم

علوم ببساطة مع ميس مريم
Mrioma Gorge Gogo

12/07/2026

تحدى واكتشف
🌍 اختر الإجابة الصحيحة:
ما ترتيب كوكب الأرض بين كواكب المجموعة الشمسية؟
▪️الأول
▪️ الثاني
▪️ الثالث
▪️الرابع
✏️ علوم ببساطة مع ميس مريم 🧪🔬
اكتب اجابتك فى التعليقات
علوم ببساطة مع ميس مريم
Mrioma Gorge Gogo