03/03/2024
"العطاء"
زيت على توال ٥٠ * ٧٠سم
مشاركتي في معرض لحظات ابداع بدار الأوبرا المصريه
….
فيه ناس شغلتهم في الحياه انهم Givers ، او بالعربي (المِعطاء)، ده شغلته في الحياه "العطاء"، ربنا خلقه كده، انه يوزع الحاجات الحلوه اللي عنده علي اللي حواليه، مشاعر حلوه او اشياء ماديه حلوه بردو ، يعني تلاقيه بيوزع حب، حنان، اهتمام، حل مشاكل، مساعده نفسيه بجميع انواعها رغم قساوة الحياه معاه وانه اكتر شخص محتاج دا من ال حواليه ولو ربنا كارم الشخص ده ماديا، تلاقيه بيوزع اللي عنده علي اللي حواليه، سواء اسرته الصغيره او اصحابه المقربين او اي حد محتاج لمساعده، اللي حواليه كلهم لازم يستمتعوا باللي عنده، ولو ملقاش حد يديله، بيدور علي حد يتقرب منه عشان يمارس شغلته في الحياه "العطاء" لانه مبيقدرش يعيش لنفسه، الناس دي مبنحسش بقيمتهم غير لما بيختفوا من حياتنا، لو عندك حد من ده امسك فيه بإيدك وسنانك واوعي تسيبه يختفي، لانه بيختفي فجأه ...
